Շատ բան փոխվեց դեպի լավը. ԱՄՆ և ՌԴ նախագահները՝ հանդիպման մասին

Միացյալ Նահանգների նախագահ Դոնալդ Թրամփը, մեկնաբանելով հուլիսի 16-ին Հելսինկիում Ռուսաստանի Դաշնության նախագահ Վլադիմիր Պուտինի հետ ունեցած հանդիպումը՝ հայտարարել է, որ ռուս պաշտոնակցի հետ շատ կարևոր եզրահանգումների են եկել:

«Դա լավ հանդիպում էր: Կարծում եմ՝ հրաշալի ժամանակ անցկացրինք: Քննարկեցինք միջուկային զենքի տարածումը, Սիրիայի, Ուկրաինայի տնտեսական խնդիրները»,- Fox News-ի հետ զրույցում ամփոփելով հանդիպումը՝ ասել է նա:

ԱՄՆ նախագահի խոսքով՝ Վաշինգտոնը ցանկանում է Մոսկվայի հետ ունենալ խաղաղ, ընկերական հարաբերություններ: Ավելին՝ հույս է հայտնել, որ նման հանդիպումները հաճախ կլինեն:

Ռուսաստանի Դաշնության նախագահ Վլադիմիր Պուտինն էլ Fox News-ի հետ զրույցում հայտարարել է, որ հանդիպման ընթացքում շատ բան է փոխվել դեպի լավը։

իշեցնենք, որ հուլիսի 16-ին Ֆինլանդիայի մայրաքաղաք Հելսինկիում կայացել է ԱՄՆ և ՌԴ նախագահների հանդիպումը: Հանդիպումը տևել է երկու ժամ:

Թրամփն ասել է, թե ի՞նչ են խոսել Պուտինի հետ