17  05  2018

ՊԵԿ նախագահն ազատվեց աշխատանքից

ՊԵԿ նախագահն ազատվեց աշխատանքից

Վարդան Հարությունյանն ազատվեց ՀՀ կա­ռա­վարությանն առընթեր պետական եկամուտների կոմիտեի նախագահի պաշ­տոնից:

Այդ պաշտոնում նշանակվեց Դավիթ Անանյանը: Որոշումը կայացվեց կառավարության նիստում:

Մինչ այս, Դավիթ Անանյանը ֆինանսների նախարարի տեղակալն էր, իսկ Վարդան Հարությունյանը ՊԵԿ նախագահն էր 2016թ. հոկտեմբերի 8-ից:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Մամուլի տեսություն 18 08 2018

ՌԴ-ն գրեթե ուլտիմատում է դրել՝ աշխատանքից ազատել ՊԵԿ նախագահին․ «Հրապարակ»

«Հարավկովկասյան երկաթուղիներ»-ի շուրջ կրքերը չեն հանդարտվում

Մենք 2 օր առաջ գրել էինք, որ Պետեկամուտների կոմիտեն հատուկ ջոկատայինների ուղեկցությամբ մտել է Հարավկովկասյան երկաթուղի եւ խուզարկություն կատարել՝ արդյունքում առգրավելով որոշ փաստաթղթեր եւ անգամ՝  համակարգիչներ։ Այդ մասին գրում է «Հրապարակ» օրաթերթը։

«Տեղեկացել էինք, որ ՀԿԵ-ի հետ կապված ՊԵԿ-ը քրգործ է հարուցել՝ 9,7 մլն դրամի ԱԱՀ չվճարելու մասով, իսկ 16-ի երեկոյան ժամը 22։00-ին մտել է խուզարկության, որը տեւել է մինչեւ հաջորդ օրվա ժամը 8։30-ը, ինչը խիստ վրդովեցրել էր ՀԿԵ ղեկավարությանը, եւ նույն օրը Սերգեյ Վալկոն ընդունելության էր գնացել վարչապետ Նիկոլ Փաշինյանի մոտ՝ հավանաբար, բողոքելու։

Թեեւ կողմերը ձգտել էին միջադեպը հարթել, սակայն երեկ մենք տեղեկացանք, որ կրքերը դեռ չեն հանդարտվել։ Ռուսական իշխանությունները ծանր են տարել կատարվածը եւ գրեթե ուլտիմատում են դրել՝ աշխատանքից ազատել ՊԵԿ նախագահին։ Անգամ լուրեր կային, որ Դավիթ Անանյանը դիմում է պատրաստվում գրել, մանավանդ՝ ինքն էլ գոհ չէ իր լիազորությունների շրջանակից։ Սակայն առայժմ գործընթացը սառեցված է՝ հայկական կողմը բանակցում է ռուսականի հետ եւ փորձում «անկորուստ» հարթել տեղի ունեցածը։ Պատահական չէ, որ երեկ Մոսկվայում 2 ակցիա էր նախատեսված՝ ընդդեմ Փաշինյանի, որը, ըստ չար լեզուների, կազմակերպում է Ռուսաստանի հայերի միությունը՝ Արա Աբրահամյանի գլխավորությամբ, ով հայտնի է պուտինյան վարչակազմի հետ ունեցած սերտ կապերով»,– գրում է օրաթերթը։

Orphus համակարգ