06  10  2017

Պեդրո Ագրամունտը հրաժարական է տվել ԵԽԽՎ նախագահի պաշտոնից

Պեդրո Ագրամունտը հրաժարական է տվել ԵԽԽՎ նախագահի պաշտոնից

Եվրախորհրդի խորհրդարանական վեհաժողովի նախագահ Պեդրո Ագրամունտը հրաժարական է տվել իր պաշտոնից: Այդ մասին նա հայտարարել է Twitter-ի իր էջում:

«Այսօր անձնական պատճառներով ես որոշել եմ այլևս չղեկավարել Եվրոպայի խորհրդի խորհրդարանական վեհաժողովը»,- գրել է նա:

Ավելի վաղ՝ հունիսին, հաղորդվել է, որ Պեդրո Ագրամունտը հեռացվել է Եվրոպական ժողովրդական կուսակցության խմբակցության կազմից:

Իսկ ԵԽԽՎ-ում ուկրաինական պատվիրակության ղեկավար Վլադիմիր Արիեվն էլ ֆեյսբուքյան իր էջում գրել է. «ԵԽԽՎ նախագահ Ագրամունտը, ով այս տարի ռուսական կառավարական օդանավով մեկնել էր Սիրիա` Ասադին հանդիպելու, ինքնակամ հրաժարական է տվել: Որոշել է չսպասել Վեհաժողովում վերջնական քվեարկությանը, որը պետք է տեղի ունենար երկուշաբթի:Որպես պատճառ նշել է առողջական խնդիրները»:

Նշենք, որ հայկական պատվիրակությունը բազմիցս հանդես է եկել Ագրամունտին պաշտոնանկ անելու կոչերով:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ