07 04 2023

Կիպրոսի խորհրդարանը Ադրբեջանին դատապարտող բանաձև է ընդունել

ՀՅԴ Կիպրոսի կոմիտեն և ՀՅԴ Հայ դատի Կիպրոսի հանձնախումբը, նկատի ունենալով Լաչինի միջանցքի փակումը և Հայաստանի նկատմամբ ադրբեջանական շարունակական սադրանքները, գործակցելով կիպրահայ համայնքի պետական ներկայացուցչի հետ, ինչպես նաև Արցախի բարեկամների շրջանակի հետ, խորհրդարանի քննարկմանն է ներկայացրել Ադրբեջանին դատապարտող բանաձև։

ՀՅԴ Բյուրոյի Հայ Դատի կենտրոնական գրասենյակի փոխանցմամբ, ներկայացված բանաձևը ապրիլի 6-ին քննարկվել է խորհրդարանի լիագումար նիստի ընթացքում և միաձայնությամբ ընդունվել։ Բանաձևը Ադրբեջանին դատապարտմանը զուգահեռ, վերջինիս հորդորում է անմիջապես բացել միջանցքը։

ՀՅԴ Հայ դատի Կիպրոսի հանձնախումբը շնորհակալություն է հայտնում Կիպրոսի խորհրդարանական կուսակցություններին և վերահաստատում իր հանձնառությունը՝ հետայսու ևս շարունակել Հայաստանի ու Արցախի միջազգային շահերի պաշտպանության շուրջ աշխատանքները։

Հանձնախումբը հավատացած է` համազգային ջանքերի միավորմամբ և միջազգային հանրության տարբեր շրջանակների աջակցության ապահովմամբ հնարավոր կլինի հաղթահարել թուրք-ադրբեջանական ծավալապաշտական նկրտումներն ու աշխարհաքաղաքական մարտահրավերները։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

բանաձև | Կիպրոսի խորհրդարան

Դիտել նաև

Քաղաքական 22 03 2024

Փաշինյանի նոր բանաձևը՝ «Տարածքներ՝ արտահերթ ընտրությունների ու հանրաքվեի փոխարեն». վերլուծական

Թուրքիան Հայոց ցեղասպանության մասով է ուզում թեման փակել. Ադրբեջանին հետաքրքրում է Արցախի թեմայի փակումը

Քաղաքական 13 03 2024

Եվրախորհրդարանն ընդունել է ԵՄ-ին անդամակցելու Հայաստանի թեկնածության հնարավորությունը դիտարկելու բանաձևը

Բանաձևին «կողմ» է քվեարկել 504 պատգամավոր, «դեմ»` 4-ը, «ձեռնպահ»՝ 32-ը

Քաղաքական 28 10 2023

ՄԱԿ-ը բանաձև է ընդունել, որը կոչ է անում հրադադար հաստատել իսրայելա-պաղեստինյան հակամարտության գոտում

Բանաձևին կողմ է քվեարկել 120 երկիր, դեմ՝ 14, ձեռնպահ՝ 45

Մամուլի տեսություն 24 06 2023

Ո՞ւմ են պետք նման բանաձևերն ու որոշումները, եթե արդյունք չունեն․ «Փաստ»

ԵԽԽՎ բանաձևը նույնպիսի մի «թղթե շերեփ» է, ինչպիսին Հաագայի դատարանի վճիռը՝ նույն թեմայով ու Ադրբեջանին ուղղված նույնաբովանդակ պահանջով

Քաղաքական 30 11 2022

Ֆրանսիայի Ազգային Ժողովը միաձայն ընդունեց Հայաստանին աջակցող բանաձևը

Ֆրանսիայի ԱԺ-ն կոչ է անում Ադրբեջանին բոլոր հայ ռազմագերիների անհապաղ և առանց նախապայմանների ազատ արձակել

Քաղաքական 13 10 2022

Փարիզի քաղաքային խորհուրդը միաձայն բանաձև է ընդունել ի պաշտպանություն հայ ժողովրդի

Բանաձևով Փարիզը դատապարտում է Հայաստանի ինքնիշխան տարածքի նկատմամբ Ադրբեջանի ագրեսիան