10  06  2019

Խորվաթիայում, Սլովենիայում, Շվեյցարիայում և Ղրղզստանում նոր դեսպաններ ունենք

Խորվաթիայում, Սլովենիայում, Շվեյցարիայում և Ղրղզստանում նոր դեսպաններ ունենք

ՀՀ նախագահի հրամանագրով Աշոտ Հովակիմյանը նշանակվել է Սլովենիայում և Խորվաթիայում ՀՀ դեսպան, Գագիկ Ղալաչյանը՝ Ղրղզստանի դեսպան: 

«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի.Չեխիայի Հանրապետությունում Հայաստանի Հանրապետության արտակարգ և լիազոր դեսպան Աշոտ Հովակիմյանին, համատեղության կարգով, նշանակել Սլովենիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Պրահա)»,-նշվում է նախագահի հրամանագրի մեջ:

Մյուս հրամանագրով ասված է. «Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի. Չեխիայի Հանրապետությունում Հայաստանի Հանրապետության արտակարգ և լիազոր դեսպան Աշոտ Հովակիմյանին, համատեղության կարգով, նշանակել Խորվաթիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Պրահա)»: 

Նախագահի այլ հրամանագրերով Գագիկ Ղալաչյանը նշանակվել է Ղրղզստանում դեսպան, իսկ Անդրանիկ Հովհաննիսյանը՝ Շվեյցարիայում ՀՀ դեսպան։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ