23  08  2018

Ռոբերտ Քոչարյանը «Զվարթնոց»-ում որևէ բաժնեմաս չունի և երբեք էլ չի ունեցել. հայտարարություն

Ռոբերտ Քոչարյանը «Զվարթնոց»-ում որևէ բաժնեմաս չունի և երբեք էլ չի ունեցել. հայտարարություն

Ռոբերտ Քոչարյանը «Զվարթնոց» օդանավակայանի որևէ բաժնեմաս չունի։ Այս մասին հայտարարություն է տարածել «Արմենիա միջազգային օդանավակայաններ» ՓԲԸ-ն:

Հայտարարությունը ներկայացնում ենք ստորև․

«Վերջերս հայաստանյան որոշ լրատվամիջոցներ լուրեր են տարածել, որ Հայաստանի երկրորդ նախագահ Ռոբերտ Քոչարյանը բաժնեմաս ունի «Զվարթնոց» միջազգային օդանավակայանում: Այդ տեղեկատվությունը Ռոբերտ Քոչարյանը անձամբ հերքել է վերջերս տված իր հարցազրույցում:

«Արմենիա միջազգային օդանավակայաններ» ՓԲԸ-ն ցանկանում է հստակեցնել, որ հանդիսանում է բաց և թափանցիկ ընկերություն, որը հարյուրավոր միլիոն դոլարների ներդրումներ է իրականացրել Հայաստանի տնտեսության մեջ, ինչը վերջին երկու տասնամյակների ընթացքում նպաստել է Հայաստանի կայուն զարգացմանը: Ռոբերտ Քոչարյանը մեր ընկերությունում որևէ բաժնեմաս չունի և երբեք էլ չի ունեցել: «Արմենիա միջազգային օդանավակայաններ» ՓԲԸ-ն պատրաստ է այս փաստը հաստատելու համար իր հաշվապահական հաշվառման գրքերը և գրանցումները տրամադրել մանրամասն աուդիտ իրականացնելու համար»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Քաղաքական 16 09 2019

Պուտինի խոսնակը՝ Ռոբերտ Քոչարյանի հետ հնարավոր հանդիպման մասին

Եթե ՀՀ 2-րդ նախագահի հետ հանդիպումը չկազմակերպվի, Պուտինի այցը ՀՀ կասկածի տակ կդրվի․ Zham.am

 

Orphus համակարգ