Նոր ոստիկանապետ և մարզպետ կունենանք․ «Ժամանակ»

««Ժամանակ»-ի հավաստի տեղեկություններով՝ Սյունիքի մարզպետի տեղակալ, ՔՊ ան­դամ, Կապանի քաղաքապետի նախկին թեկնածու Նարեկ Բաբայանը կնշանակվի Սյունիքի մարզպետ: 

Հիշեցնենք, որ Նա­րեկ Բաբայանը Կապանի քաղա­քապետի ընտրություններում առաջադրվել էր «Իմ քայլը» դա­շինքից, սակայն, չստանալով բավարար ձայներ, պարտվել էր: Թերթի հետ զրույցում ինքը՝ Բաբա­յանը, նշեց, որ նման առաջարկ այս պահին չի ստացել և այդ մասին խոսել չի կարող: 

Փոփոխու­թյունների համատեքստում, Սյունիքի ներկայիս մարզպետ Հունան Պողոսյանը նշանակվե­լու է ՀՀ  ոստիկանապետ Վալերիյ Օսիպյանի փոխարեն: Պողոսյա­նը թերթի հետ զրույցում ոչ հերքեց, ոչ հաստատեց տեղեկությունը: «Ես ձեզ շատ հարգում եմ, ընդու­նում եմ, բայց նման ոչ մի հարցի չեմ ուզում պատասխանել, անդ­րադառնալ:          

Ես մարզպետի պաշտոնում պաշտոնավարելու եմ Սյունիքի մարզում, խնդրում եմ՝ ինձ նման հարցեր մի տվեք»,- ասել է Պողոսյանը: Թերթի հստակեցնող հարցին՝ նման առաջարկ ստացե՞լ եք, Պողոսյանը մի պահ լռել է, ապա նորից պնդել, որ այդ թեմայով խոսել չի ցանկանում»,-գրում է թերթը:

Նյութն ամբողջությամբ կարդացեք «Ժամանակ»-ում։