Վլադիմիր Գասպարյանի դեմ կարող է քրգործ հարուցվել․ «Ժողովուրդ»

«Ժողովուրդ» օրաթերթը գրում է. «ՀՀ նախկին ոստիկանապետ Վլադիմիր Գասպարյանի գլխին սև-մութ ամպեր են կուտակվում: Ինչպես հայտնի է` 2018 թվականի օգոստոսի 13-ին «hetq» լրատվական կայքը հրապարակել էր այն մասին, թե ինչպես է ՀՀ նախկին ոստիկանապետ Վլադիմիր Գասպարյանը 200 հազար դոլարով դարձել 3 մլն դոլարանոց առանձնատան տեր:

«Ժողովուրդ» օրաթերթը ՀՀ գլխավոր դատախազությունիրց հետաքրքրվեց, թե այս հրապարակման մասով ներկայացված փաստերով արդյո՞ք ձեռնարկվում է որևէ քայլ: Եվ ահա ի պատասխան մեր հարցման` ՀՀ գլխավոր դատախազության հանրային կապերի բաժնից հայտնեցին, որ հոդվածն ուղարկվել է ՀՀ հատուկ քննչական ծառայության քննարկմանը: Ասել է, թե չի բացառվում` ՀՔԾ-ում, այնուամենայնիվ, քրեական գործ հարուցվի նախկին ոստիկանապետի դեմ: Մեկ հիշեցում էլ՝ օրերս քրեական գործ հարուցվեց նրա եղբոր՝ Կարեն Գասպարյանի դեմ, քաղաքացու նկատմամբ բռնություն գործադրելու մեղադրանքով»: 

Նյութն ամբողջությամբ կարդացեք «Ժողովուրդ» օրաթերթում։