18 08 2018

ԱԺ-ում հայտնվել հավակնող կուսակցությունները շտապել էին հրապարակ․ «Հրապարակ»

ԱԺ-ում հայտնվել հավակնող կուսակցությունները շտապել էին հրապարակ․ «Հրապարակ»

«Հրապարակ» թերթը գրում է․ «Բոլոր այն կուսակցությունները, որոնք հավակնում են հայտնվել երկրի խորհրդարանում, երեկ շտապել էին Հանրապետության հրապարակ։ Նրանց թվում էր, թե երեկ ընտրությունների նախապատրաստական փուլն է սկսվել և, ինչպես նախկինում Սերժ Սարգսյանին հաճոյանալն Ազգային ժողովում հայտնվելու գլխավոր գրավականն էր, այնպես էլ հիմա Նիկոլ Փաշինյանի կողքին լինելն է այդ գրավականը։

Թերևս դա էր պատճառը, որ նախ ՀԱԿ-ը, ապա ՕԵԿ-ի քաղաքական խորհուրդը նախօրեին կոչ էին արել ակտիվորեն մասնակցել երեկվա հանրահավաքին։ Երեկ երեկոյան ժամը 18-ին մեծ խմբով, Մհեր Շահգելդյանի գլխավորությամբ, ՕԵԿ-ն իսկապես միացավ հրապարակին, որտեղ նրանց ուրախությամբ դիմավորեցին: Ուշագրավ է, որ, ի տարբերություն ՕԵԿ-ի ու ՀԱԿ-ի, «ՔՊ»-ի դաշնակիցներ «Լուսավոր Հայաստան» և «Հանրապետություն» կուսակցությունները հանրահավաքին մասնակցության կոչ չէին արել, ինչը ևս վկայում է «Ելքի» ներսում տիրող ոչ հարթ իրավիճակի մասին»։

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ