03 08 2018

Այս տարի դիմորդների թիվն ավելի քիչ էր, քան ընդունելության տեղերի քանակը. ԳԹԿ փոխտնօրեն

Այս տարի դիմորդների թիվն ավելի քիչ էր, քան ընդունելության տեղերի քանակը. ԳԹԿ փոխտնօրեն

Այս տարի դիմորդների թիվը եղել է 5456, որից ուսանող են դարձել 4616-ը, իսկ բուհերում եղել է 21.000 ուսանողի տեղ: Այս մասին օգոստոսի 3-ին լրագրողների հետ զրույցում ասաց Կրթության և գիտության նախարարության գնահատման և թեստավորման կենտրոնի փոխտնօրեն Կարո Նասիբյանը:

 Կարո Նասիբյանն ասաց, որ դիմորդների մեծ մասը՝ 1701-ը ցանկացել է սովորել Երևանի պետական համալսարանում, որոնցից 1496-ը դարձել է ուսանող: Հաջորդ համալսարանը, որի համար դիմել են երիտասարդները, Ազգային պոլիտեխնիկական համալսարանն է՝ 558 դիմորդ, որից ընդունվել է 476-ը:

 Իսկ երրորդ տեղում Երևանի պետական բժշկական համալսարանն է, որտեղ դիմել է 517 հոգի, ընդունվել՝ 418-ը: 156 դիմորդ էլ կտրվել է քննություններից և որևէ տեղ չի դիմել:

 Մարզերի վիճակագրությունը, Կարո Նասիբյանի փոխանցմամբ, հետևյալն է. Երևանից դիմել է 1964 շրջանավարտ, ընդունվել՝ 1610-ը, Կոտայքի մարզից դիմել է 445 հոգի, ընդունվել է 408-ը: «Մնացած մարզերից դիմորդների թիվը տոկոսային առումով իրար հետ վերցրած չի գերազանցում Երևանի թիվը»,- նշեց նա:

 Նասիբյանը շեշտեց՝ առաջին անգամ նկատվել է, որ ավագ դպրոցի աշակերտներն ավելի ցածր միավորներ են ստացել, քան միջնակարգ դպրոցներինը։ Ավելի բարձր են վարժարանների աշակերտների ցուցանիշները։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ