Միշտ էլ լսել են հեռախոսները, էսօր էլ լսում են․ Նաիրա Զոհրաբյան

Մեզ միշտ էլ լսել են։ Միշտ էլ լսել են հեռախոսները։ Լրագրող ժամանակից ես միշտ այդ ռիսկային խմբում եմ եղել, այնպես որ իմունիտետ ունեմ և խնդիր չկա։ Միշտ էլ լսել են, այսօր էլ լսում են։ Ինչու է ձեզ այդքան հետաքրքիր ես չգիտեմ։ 3 մլն տեսականորեն  բնակչություն ունի ՀՀ-ն, նրանք ովքեր օգտագործում են էլեկտրոնային կապ 2 մլն և ավելի, դուք այնպես ասեցիք, մարդիկ հիմա կիմանան սմարթֆոններ եք նվեր տալու։ Այս մասին Ազգային ժողում Արտակարգ դրության ժամանակ քաղաքացիների անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքների միջամտության Ռուստամ Բադասյանի առաջրկին արձագանքեց ԲՀ խմբակցության պատագամավոր Նաիրա Զոհրաբյանը։

Պատգամավորը հետաքրքվեց թե ո՞վ է վերահսկողություն իրականացնելու ԱԱԾ և ոստիկանության նկատմամբ, որպեսզի ապաանձնավորված կոդն անձնավորելու և դրա բովանդակությանը ծանոթանալու փորձերը բացառվեն։

Նախարարը նշեց, որ այդ մարմինների նկատմամբ վերահսկողություն իրականացնող մարմինները չեն փոխվել, իսկ որպես պատասխանատվություն նման դեպքերում գործելու են իրավական կարգավորումներ և անձը ենթարկվելու է քրեական պատասխանատվության։

«Կարծում եմ՝ որևէ մեկի մտքով չի անցնի համաճարակի կանխարգելման նպատակով գեներացված տվյալները որևէ այլ նպատակով օգտագործեը, և դրա մասին խոսելն անգամ ավելորդ է», - ասաց նախարարը։