25 01 2020

Արման Սարգսյանը հանդիպել է նորաստեղծ քրեական վարչության անձնակազմին

Արման Սարգսյանը հանդիպել է նորաստեղծ քրեական վարչության անձնակազմին

Հունվարի 24-ին ոստիկանության պետի պաշտոնակատար Արման Սարգսյանը հանդիպում ունեցավ նորաստեղծ քրեական ոստիկանության գլխավոր վարչության անձնակազմի հետ։ Այս մասին հայտնում են  ՀՀ Ոստիկանությունից:

Հանդիպմանը մասնակցում էին ոստիկանության պետի տեղակալ Արթուր Մարտիրոսյանն ու քրեական ոստիկանության գլխավոր վարչության պետ Արտակ Կարապետյանը։

Ողջունելով ներկաներին՝ Արման Սարգսյանը շնորհավորեց ոստիկանության ծառայողներին` վերանշանակվելու և առաջխաղացումների կապակցությամբ։ Նա կարևորեց ոստիկանության կազմակերպված հանցավորության դեմ պայքարի և քրեական հետախուզության գլխավոր վարչությունների հենքի վրա ստեղծված քրեական ոստիկանության գլխավոր վարչության գործունեությունն ու օպերատիվ գործունեության համակարգող դերը տարածքային ստորաբաժանումների համար։

Խոսելով ստորաբաժանման ծառայողների մասնագիտական պատրաստվածության մասին՝ Արման Սարգսյանն ընդգծեց` քրեական ոստիկանության գլխավոր վարչությունում ծառայելու են միայն պրոֆեսիոնալներ։ Նա հորդորեց անընդհատ կատարելագործել գիտելիքները, լինել կարգապահ։

Քննարկվեց քրեական ոստիկանության գլխավոր վարչությունում կադրային քաղաքականության և օպերատիվ ծառայության մասին հարցեր։

Հանդիպման ավարտին քրեական ոստիկանության գլխավոր վարչության պետ Արտակ Կարապետյանը հավաստիացրեց, որ ստորաբաժանումը պատվով և բարեխիղճ ծառայությամբ կիրականացնի իր առջև դրված խնդիրները։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ