Դատարանը հասկանում է, որ կատարվածում խնդիր կա. Միհրան Պողոսյան

Եթե դատախազությունն իսկապես հանդիսանում է օրենքի պաշտպանը, ապա հենց հունվարի 9-ի դատական նիստում պետք է կատարեր անհրաժեշտ դատավարական գործողություններ, արձանագրեր այդ փաստը ու դրան տար քրեաիրավական հետևանք: Այս մասին դատական նիստի ավարտից հետո լրագրողների հետ զրույցում ասաց Յուրի Խաչատուրովի պաշտպան Միհրան Պողոսյանը:

«Մենք տեսանք դատախազության լռությունը, մենք տեսանք դատարանի լռությունը և աջակցությունը, և դա մեկ օրում տեղի ունեցած պրոցեսի հետևանք չէ: Դա ամիսներ շարունակ այս մթնոլորտը դատական նիստերի դահլիճ բերելու, դատարանի շենքի շուրջբոլորը հավաքելու վերջնարդյունքն էր: Եթե ՀՀ-ն զոհված անձանց հարազատներին դրամական փոխհատուցում չտրամադրեր գոնե այդ գործի քննության փուլում, ինչն իմ պատկերացմամբ՝ քաջալերել է նաև նման վարքագիծը, համոզված եմ, որ նման գործողություններ տեղի չէին ունենա»,- լրագրողների հետ զրույցում ասաց փաստաբան Միհրան Պողոսյանը: