20  01  2020

Արամ Վարդևանյանը Ռուստամ Բադասյանի դեմ 2 հայց է ներկայացրել դատարան

Արամ Վարդևանյանը Ռուստամ Բադասյանի դեմ 2 հայց է ներկայացրել դատարան

News.am-ը գրում է․ «ՀՀ երկրորդ նախագահ Ռոբերտ Քոչարյանի փաստաբան Արամ Վարդեւանյանը դիմել է վարչական դատարան՝ ընդդեմ արդարադատության նախարար Ռուստամ Բադասյանի՝ պահանջելով պատշաճ ընթացք տալ ՀՀ վերաքննիչ քրեական դատարանի դատավորներ՝ Արմեն Դանիելյանի եւ Մհեր Արղամանյանի նկատմամբ կարգապահական վարույթներ հարուցելու իր միջնորդություններին։ Այս մասին NEWS.am-ին հայտնեց Արամ Վարդեւանյանը։

Հիշեցնենք, որ դեռեւս 2019 թվականին ՀՀ երկրորդ նախագահ Ռոբերտ Քոչարյանի պաշտպանը դիմել է արդարադատության նախարար Ռուստամ Բադասյանին՝ դատավոր Արմեն Դանիելյանին կարգապահական պատասխանատվության ենթարկելու հարցով։

Նշենք, որ 2019թ․հունիսի 25-ին դատավոր Արմեն Դանիելյանը բեկանել է Առաջին ատյանի դատարանի որոշումը՝ վերացնելով Ռոբերտ Քոչարյանի նկատմամբ որպես խափանման միջոց ընտրված անձնական երաշխավորությունը եւ կիրառել կալանավորումը։ Նույն օրվա մեկ այլ որոշմամբ դատավոր Ա․Դանիելյանը բեկանել է «ՍԴ դիմելու եւ գործի վարույթը կասեցնելու մասին» Առաջին ատյանի դատարանի որոշումը։

Նշենք, որ դատավոր Մհեր Արղամանյանն էլ անփոփոխ էր թողել դատավոր Աննա Դանիբեկյանի՝ սեպտեմբերի 17-ի որոշումը, որով Դանիբեկյանը մերժել էր Ռոբերտ Քոչարյանի նկատմամբ ընտրված խափանման միջոց կալանավորումը վերացնելու միջնորդությունը: Պաշտպան Արամ Վարդեւանյանն ինքնաբացարկի միջնորդություն էր ներկայացրել Մհեր Արղամանյանին, սակայն դատավորը ինքնաբացարկ չէր հայտնել»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ