02  12  2019

«Սև ուրբաթին» «Դալմա Գարդեն մոլի» տարածքում 10 հանցագործություն է կատարվել

«Սև ուրբաթին» «Դալմա Գարդեն մոլի» տարածքում 10 հանցագործություն է կատարվել

Սոցիալական ցանցի մի քանի օգտատերեր անդրադարձել էին առևտրի կենտրոններից մեկի հարակից տարածքում կատարված հանցագործություններին։ Այս մասին  հայտնում են Ոստիկանությունից:

Պարզաբանենք, որ նոյեմբերի 29-ին՝ «Սև ուրբաթի» շրջանակում, ինչպես և նախատեսվում էր, առևտրի կենտրոններ այցելուների թիվը բազմապատկվել էր, ինչի կապակցությամբ ոստիկանության ծառայողների կողմից իրականացվել է ուժեղացված ծառայություն, այդ թվում՝ նաև Ծիծեռնակաբերդի խճուղում գտնվող «Դալմա Գարդեն Մոլ» առևտրի կենտրոնում և հարակից ավտոկայանատեղիներում:

Աննախադեպ մարդաշատ լինելու պատճառով հաճախորդներն իրենց ավտոմեքենաները կայանել են նաև առևտրի կենտրոնից բավական հեռու՝ անտառամերձ և չվերահսկվող տարածքներում:

Այդ օրը ոստիկանության Մալաթիայի բաժնում, ում սպասարկման տարածքում է գտնվում նշված առևտրի կենտրոնը, արձանագրվել է հանցագործության 10 դեպք:

Մասնավորապես՝ առևտրի կենտրոնի տարբեր խանութ-սրահներից գողության 5 դեպք, որից 4-ը բացահայտվել է, 1 կողոպուտի փորձ, որը նույնպես բացահայտվել է: Արձանագրվել է Ծիծեռնակաբերդի խճուղու հարակից տարածքում կայանված ավտոմեքենաներից գողության՝ 3 և գույքի դիտավորյալ վնասման 1 դեպք:

Ձեռնարկվում են օպերատիվ-հետախուզական միջոցառումներ արձանագրված բոլոր հանցագործության դեպքերը բացահայտելու ուղղությամբ:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ