02 07 2019

Մանվել Գրիգորյանը դատական նիստին մասնակցում է թթվածնային սարքով

Մանվել Գրիգորյանը դատական նիստին մասնակցում է թթվածնային սարքով

Հուլիսի 2-ին մեկնարկել է Ազգային ժողովի նախկին պատգամավոր, գեներալ Մանվել Գրիգորյանի և նրա կնոջ՝ Նազիկ Ամիրյանի գործով դատական նիստը։ Մանվել Գրիգորյանը բժշկի ուղեկցությամբ մասնակցում է նիստին, նրան միացված է թթվածնային սարք։

 

Մանվել Գրիգորյանի պաշտպաններից Լևոն Բաղդասարյանը տեղեկացրեց, որ «Նաիրի ԲԿ»-ում Մանվել Գրիգորյանին բուժող բժիշկների կոնսիլիում է կազմակերպվել, ինչի եզրակացությամբ Գրիգորյանի մոտ մի շարք հիվանդություններ են ախտորոշվել:

 

«Մանվել Գրիգորյանը 24 ժամ բժշկական օգնության կարիք ունի, թթվածնի կարիք ունի, քրոնիկ երիկամային հիվանդություն ունի՝ երկրորդ աստիճանի, քաղցկեղ, ողնաշարի ախտահարում, զարկերակային հիպերտենզիա, բացի այդ հիվանդի մոտ գանգրենա է առաջանում»,-ասաց Բաղդասարյանը՝ դատարանին միջնորդելով խափանման միջոց կալանավորումը փոփոխել, իսկ դրա անհնարինության դեպքում նրա նկատմամբ խափանման միջոց ընտրել գրավը՝ 10 մլն դրամի չափով:

Մեղադրող դատախազը պաշտպանի միջնորդությանը մի շարք հակափաստարկներ ներկայացրեց, ասելով, որ միջնորդությունը ենթակա է մերժման: Դատարանը գնաց խորհրդակցական սենյակ: Որոշումը կհրապարակվի 1 ժամից:

Հիշեցնենք, որ  Մանվել Գրիգորյանին մեղադրանք է առաջադրվել այն բանի համար, որ նա ապօրինի կերպով՝ «Զենքի մասին» ՀՀ օրենքով նախատեսված սահմանափակումների շրջանցմամբ, կնոջ՝ Նազիկ Ամիրյանի, որդու՝ Արման Գրիգորյանի և քննությամբ չպարզված այլ անձանց հետ նախնական համաձայնությամբ, ապօրինի կերպով ձեռք են բերել, փոխադրել և իրենց պատկանող երեք տներում ապօրինի կերպով պահել հրազեն, ռազմամթերք, ակոսափող հրազենի փամփուշտներ, պայթուցիկ նյութեր,ինչպես նաև կատարել է տարբեր տեսակի հափշտակություններ:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ