Պետդումայի հայ պատգամավորը ձերբակալվել է․ տեսանյութ

ՌԴ Կուրգանսկի մարզի իրավապահ մարմինների աշխատակիցները ձերբակալել են գործարար և Շչուչանսկի շրջանային դումայի պատգամավոր Ավագ Բաբայանին:

Բաբայանը նախկինում ղեկավարել է ավտոճանապարհների շինարարությամբ և վերանորոգմամբ զբաղվող ձեռնարկությունը: Այս մասին հաղորդել է Область 45 հեռուստաընկերությունը։

Ինչպես հաղորդվում է, հայազգի գործարարին կասկածում են կաշառք տալու մեջ: Բաբայանի բնակարանում իրականացված խուզարկության ժամանակ իրավապահները հազարավոր թղթադրամներ են հայտնաբերել՝ ռուբլի, դոլար և եվրո արժույթներով:

Գործարարին կասկածում են շինարարության վարչության նախկին տնօրեն Ռոման Վանյուկովին պայմանագրի վճարման համար հատուկ խոշոր չափի կաշառք (26 մլն ռուբլի) տալու մեջ։ Խուզարկությունների ընթացքում Բաբայանի, Վանյուկովի և նրանց միջնորդի բնակարաններից մոտ 12 մլն ռուբլի է առգրավվել: