18 11 2018

Մի «մանիպուլիացիայի» հետքերով կամ ինչպես «արգելել» հանրությանը անհանգստանալ

Մի «մանիպուլիացիայի» հետքերով կամ ինչպես «արգելել» հանրությանը անհանգստանալ

ՀՀ ԱԺ փոխնախագահ Արփինե Հովհաննիսյանը ֆեյսբուքյան իր էջում անդրադարձել է ոստիկանության տարածած պարզաբանմանը՝ իր բարձրաձայնած մտահոգությունների առնչությամբ:

Նա, մասնավորապես, գրել է.

«Հարգելի գործընկերներ,

Երեկ գրառում էի կատարել, որով հայտնել էի իմ անհանգստությունը հանցագործությունների աճի առումով: Ներկայացրել էի այս տարվա առաջին 8 ամսվա տվյալները` համեմատելով նախորդ տարվա նույն ժամանակահատվածի տվյալների հետ: Քանի որ եղան անձինք, ովքեր փորձեցին պարզ վիճակագրության մեջ մանիպուլյացիա տեսնել, ապա ներկայացնեմ որոշ մանրամասներ:

Եվ, այսպես, 2018 թվականի հունվար-օգոստոսին հանցագործությունների ընդհանուր թիվը 14205 է, իսկ 2017 թվականի հունվար-օգոստոսին՝ 12484:

Այս թվերի մեջ հատկապես աճել են`

1)միջին ծանրության հանցագործությունները`

2018 թվականին` 4943

2017թվականին` 3859

2) ծանր հանցագործությունները`

2018 թվականին` 2222

2017թվականին`1606

3) ճանապարհային երթեւեկության եւ տրանսպորտային միջոցների շահագործման կանոնները խախտելը` այդ թվում՝ մահվան ելքով

2018 թվականին` 781

2017թվականին` 493

4) անձնական գույքի հափշտակությունները `

2018 թվականին` 5169

2017թվականին` 4576

որից` բնակարանային գողություններ`

2018 թվականին` 782

2017թվականին` 505

5) Պետական իշխանության, ծառայության և կառավարման կարգի դեմ ուղղված հանցագործություններ

2018 թվականին` 2099

2017թվականին` 1740

Եթե 5-րդ կետի արդյունքները պայմանավորված են կոռուպցիայի դեմ հռչակված պայքարով և կազմում են այդ պահի դրությամբ աճած 1721 հանցագործություններից 359-ը, ապա մյուս հանցագործությունների աճը ինչո՞վ է բացատրվում։ Հիմա հանրությունը պետք է անհանգստանա բնակարանային գողությունների թվով, թե՞ ոչ։ Արդյոք ողջամիտ մտահոգությունը որպես մանիպուլիացիա մեկնաբանելը եւ ՀՀ քաղաքացիների զգոնությունը բթացնելը, իրավապահ մարմիններին էլ <<պաշտպանելը>> կպաշտպանե՞ն նրանց բնակարանները, երբ նրանք առավոտյան գնան աշխատանքի։ Ի՞նչ է պատճառը, որ տեսախցիկները վերացնելու սին խոստումներից հետո էլ ճանապարհային հանցագործությունները այսքան աճ են գրանցում։

Հ.Գ. Արդեն սեպտեմբերի ամսվա դրությամբ օրինակ` բնակարանային գողությունների թիվը կազմում է 899»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ