05 11 2018

Մայրապետյանի գույքին կալանք դնելու որոշումը բողոքարկվել է

Մայրապետյանի գույքին կալանք դնելու որոշումը բողոքարկվել է

Կաշառք ստանալուն օժանդակելու մեջ մեղադրվող գործարար Սամվել Մայրապետյանի պաշտպանները վերադաս դատախազին բողոքարկել են Մայրապետյանին պատկանող գույքի վրա կալանք դնելու որոշումը։ Այս մասին հայտնել է Սամվել Մայրապետյանի պաշտպան Կարեն Բատիկյանը։

ՀՀ գլխավոր դատախազությունից հաղորդել են, որ բողոքը քննարկման փուլում է։

Հիշեցնենք, որ Մարդու իրավունքների պաշտպան Արման Թաթոյանը նոյեմբերի 2-ին, այցելել է «Արմավիր» քրեակատարողական հիմնարկում գտնվող Սամվել Մայրապետյանին։

Սամվել Մայրապետյանը բարձրաձայնել է մի շարք խնդիրներ՝ կապված, նրա պնդմամբ, կալանքի հիմքերի բացակայության, առողջական վիճակի վատթարացման, գույքի բոլոր տեսակների և հաշիվների վրա առանց հիմքերի արգելանք դնելու հետ:  Ըստ Սամվել Մայրապետյանի՝ իրեն կալանքի տակ պահելու հիմքերը բացակայում են, իսկ դատարանների որոշումներն անհիմն են: 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ