27 08 2018

Կողմերին կոչ ենք անում չսրել իրավիճակը․ Ոստիկանությունը՝ Ամուլսարի մասին

Կողմերին կոչ ենք անում չսրել իրավիճակը․ Ոստիկանությունը՝ Ամուլսարի մասին

Որոշ լրատվամիջոցներում տեղեկություններ են տարածվել, որ Ամուլսարի հանքին հարակից տարածքներում օգոստոսի 27-ին միջադեպ է տեղի ունեցել, ընդհարվել են Ամուլսարի շահագործման դեմ հանդես եկող քաղաքացիները և «Լիդիան Արմենիա» ընկերության աշխատակիցներն ու կողմնակիցները։ 

Այս առնչությամբ հայտարարություն է տարածել ՀՀ ոստիկանությունը։ Ոստիկանության հայտարարության մեջ, մասնավորապես, ասվում է: «Հայտնում ենք, որ ոստիկանությունը ծառայություն է իրականացնում տեղում: Ոստիկանությունում կողմերից ստացվել են տարաբովանդակ ահազանգեր ու հաղորդումներ, որոնք քննարկման առարկա կդառնան, և ցանկացած իրավախախտման կտրվի իրավական գնահատական: Կողմերին կոչ ենք անում չսրել իրավիճակը, ինչպես և ԶԼՄ-ներին՝ տրվող իրարամերժ տեղեկություններով չփորձել թյուրիմացության մեջ գցել հասարակությանը»։

Հիշեցնենք, որ «Լիդիան Արմենիա» ընկերությունը ֆեյսբուքյան էջում հայտարարություն է տարածել, որում նշում է. «Արդեն տևական ժամանակ է մի խումբ անձինք ապօրինի շրջափակել են «Լիդիան Արմենիա» ընկերության Ամուլսարի հանքավայր տանող ճանապարհը՝ հարյուրավոր մարդկանց զրկելով օրինական աշխատանքի իրավունքից։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ