10  08  2018

Դուք բոլորդ ունեք այդ հարցի պատասխանը. Նիկոլ Փաշինյանը՝ Ռոբերտ Քոչարյանի նկատմամբ քաղաքական հետապնդման մասին

Դուք բոլորդ ունեք այդ հարցի պատասխանը. Նիկոլ Փաշինյանը՝ Ռոբերտ Քոչարյանի նկատմամբ քաղաքական հետապնդման մասին

Տավուշի մարզ կատարած այցի ընթացքում վարչապետն անդրադարձավ ՀՀ երկրորդ նախագահ Ռոբերտ Քոչարյանի գործով վերջին զարգացումներին:

Հարցին, թե Ռոբերտ Քոչարյանը պնդում է իր նկատմամբ քաղաքական հետապնդում իրականացնելու մասին, Նիկոլ Փաշինյանը պատասխանեց.

«Ես կարծում եմ, որ ճիշտ չէ այս թեմայով որևէ մեկնաբանություն անեմ, որովհետև ցանկացած մեկնաբանություն կարող է դիտվել որպես միջամտություն, ազդեցություն գործի վրա: Ես կարծում եմ, որ դուք բոլորդ ունեք այդ հարցի պատասխանը»,- ասաց նա:

Անդրադառնալով ՌԴ ԱԳՆ-ի հայտարարությանը, որ ՀՀ նոր իշխանությունները շեղվել են խոստումներից վարչապետը նշեց, որ ամեն ինչ նորմալ է:

«Գիտեք, կարծում եմ, որ սա այլ իրավիճակ է, բոլորս պետք է այս իրավիճակին ադապտացվենք, այդ թվում՝ մեր ռուս գործընկերները, այնպես որ ամեն ինչ նորմալ է»,-ասաց Նիկոլ Փաշինյանը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ