12  07  2018

Վճռաբեկ և մարզային դատարանների, պալատների նախագահներ են ընտրվել

Վճռաբեկ և մարզային դատարանների, պալատների նախագահներ են ընտրվել

Բարձրագույն դատական խորհուրդն (ԲԴԽ) հուլիսի 12-ին Վճռաբեկ դատարանի նախագահ և Վճռաբեկ դատարանի պալատների նախագահներ է ընտրել: Այս մասին տեղեկացրել է Դատական դեպարտամենտի մամուլի ծառայությունը:

Քվեարկությամբ 7 ձայնով ՀՀ վճռաբեկ դատարանի նախագահ է ընտրվել Երվանդ Խունդկարյանը: Վերջինը նաև 10 ձայնով ընտրվել է ՀՀ վճռաբեկ դատարանի քաղաքացիական և վարչական պալատի նախագահ:

Վճռաբեկ դատարանի քրեական պալատն էլ կղեկավարի Լիլիթ Թադևոսյանը. նա պալատի նախագահ է ընտրվել 8 ձայնով:

Բացի այդ, ԲԴԽ նիստում մարզային դատարանների նախագահներ են ընտրվել: Քվեարկությունների արդյունքում Կոտայքի մարզի առաջին ատյանի ընդհանուր իրավասության դատարանի նախագահ է ընտրվել Հովհաննես Ավագյանը, Գեղարքունիքի մարզի առաջին ատյանի ընդհանուր իրավասության դատարանի նախագահ՝ Վարդան Հարությունյանը:

Լոռու մարզի առաջին ատյանի ընդհանուր իրավասության դատարանի դատավորի թափուր տեղի համար անցկացված ընտրության արդյունքում էլ դատավոր է ընտրվել Արամ Մկրտչյանը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ