18 05 2018

Բողոքի ակցիա՝ Սամվել Բաբայանին ազատ արձակելու պահանջով. Լուսանկարներ

Բողոքի ակցիա՝ Սամվել Բաբայանին ազատ արձակելու պահանջով. Լուսանկարներ

Մի խումբ քաղաքացիներ վաղ առավոտից բողոքի ակցիա են անցկացնում ՀՀ գլխավոր դատախազության դիմաց՝ ԼՂ պաշտպանության նախկին նախարար Սամվել Բաբայանին ազատ արձակելու պահանջով:

Նրանք վանկարկում են «Ազատություն քաղբանտարկյալներին»: Պահանջում են նաև գլխավոր դատախազի հրաժարականը:

Այնուհետեւ ցուցարարները շարժվեցին Վճռաբեկ դատարանի շենք:

Հիշեցնենք, որ առաջին ատյանի դատարանը Սամվել Բաբայանին մեղավոր էր ճանաչել Քրեական օրենսգրքի 38-235-րդ հոդվածի 2-րդ մասով (մի խումբ անձանց կողմից ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) եւ 190-րդ հոդվածի 1-ին մասով (Հանցավոր ճանապարհով ստացված գույքն օրինականացնելը (փողերի լվացում) և դատապարտել 6 տարվա ազատազրկման։

Վերաքննիչ դատարանն էլ անփոփոխ է թողել վճիռը:

Բաբայանի պաշտպանը դիմել է վճռաբեկ դատարան:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ