06  03  2018

51 600 եվրո. Եվրադատարանի թանկարժեք վճիռները

51 600 եվրո. Եվրադատարանի թանկարժեք վճիռները

ՀՀ կառավարությունը մարտի 6-ի նիստում որոշեց երկու գործերով գումար տրամադրել արդարադատության նախարարությանը՝ եվրադատարանի վճիռներով արդար հատուցման համար:

«Պապոյանն ընդդեմ Հայաստանի» վճռով դուրսգրվեց 3600 եվրո: Քաղաքացու՝ Երևանի կենտրոնում գտնվող փոքրիկ կրպակը կառավարության որոշմամբ քանդել էին՝ տարածքը վաճառելով և առանց փոխհատուցում տալու: Եվրադատարանը վճիռը կայացրել էր 2018թ. հունվարի 11-ին:

4 քաղաքացու 12 հազարական եվրո էլ փոխհատուցեց «Ադյանը և այլք ընդդեմ Հայաստանի» վճռով:

Խոսքը Եհովայի վկաների մասին է, որոնք դատապարտվել էին բանակում չծառայելու համար:

Վճիռը կայացվել էր 2017թ. հոկտեմբերի 12-ին:

Առաջին վճռի դեպքում մարման վերջնաժամկետը ապրիլի 11-ն էր, երկրորդի դեպքում՝ ապրիլի 12-ը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ