29 12 2018

«Տատիկիս Վարսերը» ֆիլմի անձնակազմը դատապարտում է փոխնախարարի սադրանքը․ հայտարարություն

«Տատիկիս Վարսերը» ֆիլմի անձնակազմը դատապարտում է փոխնախարարի սադրանքը․ հայտարարություն

Կինոռեժիսոր, պրոդյուսեր, «Պարալլելս Ֆիլմպրոդաքշն» կինոընկերության հիմնադիր Հովհաննես Գալստյանը ֆեյսբուքյան իր էջում գրել է.

«ՀՐԱՏԱՊ

«Տատիկիս Վարսերը» Հայ-բուլղար-գերմանական կինոնախագծի անձնակազմի ՀԱՅՏԱՐԱՐՈՒԹՅՈՒՆԸ

Չնայած ՀՀ մշակույթի նախարարության տարածած Հայտարարությամբ արձանագրվում է, որ՝ «․․․ՀՀ մշակույթի նախարարի ս. թ. մարտի 17-ի N 116-Ա հրամանով հաստատված «Ֆիլմի նախագծերի մրցույթների անցկացման և ֆինանսավորման» կանոնակարգի 15-րդ կետը (որի հիմքով հանձնաժողովի կողմից մերժվել է «Տատիկիս վարսերը» կինոնախագծի 2018 թվականի հայտը), չէր կարող տարածվել տվյալ նախագծի վրա։», մշակույթի փոխնախարար Ն․ Ղարիբյանը, երեկ, դեկտեմբերի 28-ին, ֆիլմի արտասահմանյան ներդրողներին ուղղված նամակում տեղեկացրել է, որ նախագիծը խնդիր ունի օրենքի հետ և, ըստ էության հորդորել է նրանց՝ դադարեցնել ներդրումները։

Այս խայտառակ նամակը ուղիղ հակասության մեջ է ՀՀ իշխանությունների՝ ներդրումներին խթանելու, մասնավոր ըներությունների աշխատանքներին անտեղի չմիջամտելու, արգելքներ չհարուցելու մասին անընդհատ հնչող հայտարարություններին։

Ն Ղարիբյանի նամակը ամբողջովին հակասում է նաև ս․թ դեկտեմբերի 12-ին, ֆիլմի հեղինակների, ընկերության փաստաբանի և ՀՀ մշակույթի նախարարի պաշտոնակար Լիլիթ Մակունցի հանդպման ժամանակ ձեռք բերված պայմանավորվածություններին ու Լիլիթ Մակունցի կողմից իր ենթականերին տրված հրահանգներին։

Ն․ Ղարիբյանի ղեկավարած հանձնաժողովի անօրինական որոշման պատճառով 2018թ-ին աշխատանքը կորցրած «Տատիկիս Վարսերը» ֆիլմի ողջ անձնակազմը խստորեն դատապարտում է փոխնախարարի կողմից ֆիլմի հանդեպ արված հերթական բացահայտ սադրանքը և հավաստիացնում է, որ այն անպատասխան չի մնալու։

Ն․ Ղարիբյանի նամակը տարակուսանք է առաջացրել նաև ֆիլմի եվրոպական ներդրողների մոտ։ «Իսկ գուցե նրանք հայեր չե՞ն»,- զարմացել է ֆիլմի համաարտադրողներից մեկը։

29-12-2018Երևան, Սոֆիա, Վոլֆսբուրգ»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ